ಮಾ5 ರಿಂದ ತೋಟಗಾರಿಕೆ ಮೇಳ,ಹೆಸರಘಟ್ಟದ ಐಐಎಚ್‌ಆರ್‌ನಲ್ಲಿ ಆಯೋಜನೆ, 40ಕ್ಕೂ ಹೆಚ್ಚು ಹೊಸ ತಂತ್ರಜ್ಞಾನ ಕುರಿತು ಕಾರ್ಯಗಾರ.....!!

ಡಾ. ಸಂಜಯ್ ಕುಮಾರ್ ಸಿಂಗ್, ಉಪ ಮಹಾನಿರ್ದೇಶಕರು (ತೋಟಗಾರಿಕಾ ವಿಜ್ಞಾನಗಳು), ಐಸಿಎಆರ್ ನವದೆಹಲಿ ಅವರು "ರಾಷ್ಟ್ರೀಯ ತೋಟಗಾರಿಕೆ ಮೇಳ-2024' ಕಾರ್ಯಕ್ರಮ ಅನಾವರಣಗೊಳಿಸಿದರು.

 ರಾಷ್ಟ್ರೀಯ ತೋಟಗಾರಿಕಾ ಮೇಳ 2024 ನ್ನು ಸುಸ್ಥಿರ ಅಭಿವೃದ್ಧಿಗಾಗಿ ನವೀನ ಪೀಳಿಗೆಯ ತೋಟಗಾರಿಕೆ ತಂತ್ರಜ್ಞಾನಗಳು ಎಂಬ ಶೀರ್ಷಿಕೆ ಅಡಿಯಲ್ಲಿ ಇದೇ ಮಾರ್ಚ್ 5 ರಿಂದ 7, 2024ಕ್ಕೆ ಬೆಂಗಳೂರಿನ ಹೆಸರಘಟ್ಟದ ಸಂಸ್ಥೆಯ ಆವರಣದಲ್ಲಿ ಏರ್ಪಡಿಸಲಾಗಿದೆ. ತೋಟಗಾರಿಕೆ ಪ್ರಚಾರಕ್ಕಾಗಿನ ಸಮಾಜ (SPH) ಬೆಸ್ಟ್-ಹಾರ್ಟ್, ಟೆಕ್ನಾಲಜಿ ಬಿಸಿನೆಸ್ ಇನ್ನುಬೇಟರ್ ICAR-IIHR ICAR-ATARI ಬೆಂಗಳೂರು ಮತ್ತು ICAR ಸಹಯೋಗದೊಂದಿಗೆ ಈ ಮೇಳವನ್ನು ಆಯೋಜಿಸಲಾಗಿದೆ. ತೋಟಗಾರಿಕೆಯ ಉತ್ತೇಜನಕ್ಕಾಗಿ ಸೇವೆ ಸಲ್ಲಿಸುತ್ತಿರುವ ಪ್ರಮುಖ ಅಭಿವೃದ್ಧಿ ಇಲಾಖೆಗಳು: ನಬಾರ್ಡ್: ತೋಟಗಾರಿಕೆ ಇಲಾಖೆ, ಕರ್ನಾಟಕ ಸರ್ಕಾರ; ಅಟಾರಿ, ಬೆಂಗಳೂರು: ತೋಟಗಾರಿಕೆ ಇಲಾಖೆ, ಸರ್ಕಾರ ಛತ್ತೀಸ್‌ಗಢದ ಮೇಳದ ಪ್ರಮುಖ ಪ್ರಾಯೋಜಕರು,

ICAR-IIHR ನ ನಿರ್ದೇಶಕ ಡಾ. ಪ್ರಕಾಶ್ ಪಾಟೀಲ ಮಾಧ್ಯಮವನ್ನು ಉದ್ದೇಶಿಸಿ ಮಾತನಾಡುತ್ತಾ ಭಾರತೀಯ ಕೃಷಿ ಸಂಶೋಧನಾ ಪರಿಷತ್ತಿನ ಭಾರತೀಯ ತೋಟಗಾರಿಕಾ ಸಂಶೋಧನಾ ಸಂಸ್ಥೆ 1967 ರಿಂದ ತೋಟಗಾರಿಕಾ ಬೆಳೆಗಳ ಮೇಲೆ ಮೂಲಭೂತ, ಅನ್ವಯಿಕ ಮತ್ತು ಕಾರ್ಯತಂತ್ರದ ಅಂಶಗಳ ಸಂಶೋಧನೆಯಲ್ಲಿ ತೊಡಗಿದೆ. ಪ್ರಸ್ತುತ 58 ತೋಟಗಾರಿಕಾ ಬೆಳೆಗಳಲ್ಲಿ (13 ಹಣ್ಣುಗಳು, 30 ತರಕಾರಿಗಳು, 10 ಹೂವುಗಳು ಮತ್ತು 5 ಔಷಧೀಯ ಬೆಳೆಗಳು) ಕೆಲಸ ಮಾಡುತ್ತಿದೆ ಮತ್ತು ಇದುವರೆಗೆ 327 ಪ್ರಭೇದಗಳು ಮತ್ತು 154 ತಂತ್ರಜ್ಞಾನಗಳನ್ನು ಬಿಡುಗಡೆ ಮಾಡಿದೆ. 1263 ಪರವಾನಗಿಗಳೊಂದಿಗೆ 674 ಉದ್ಯಮಿಗಳಿಗೆ 124 ತಂತ್ರಜ್ಞಾನಗಳನ್ನು ವಾಣಿಜೀಕರಣಗೊಳಿಸಿದೆ. 800 ಕ್ಕೂ ಹೆಚ್ಚು ತರಬೇತಿಗಳನ್ನು ಮತ್ತು 6 ರಾಷ್ಟ್ರೀಯ ತೋಟಗಾರಿಕಾ ಮೇಳಗಳನ್ನು ಆಯೋಜಿಸಿದೆ. ಸುಮಾರು 360 ವಿದ್ಯಾರ್ಥಿಗಳು ತೋಟಗಾರಿಕ ವಿಜ್ಞಾನದಲ್ಲಿ ಸ್ನಾತಕೋತ್ತರ ಅಧ್ಯಯನವನ್ನು ಪೂರ್ಣಗೊಳಿಸಿದ್ದಾರೆ. ಸಂಸ್ಥೆಯು ತಂತ್ರಜ್ಞಾನಗಳು ದೇಶದಲ್ಲಿ ನಿರಂತರವಾಗಿ ಬೆಳೆಯುತ್ತಿರುವ ತೋಟಗಾರಿಕೆ ಕ್ಷೇತ್ರಕ್ಕೆ ವಾರ್ಷಿಕವಾಗಿ ರೂ. 35,000 ಕೋಟಿಗೂ ಹೆಚ್ಚು ಕೊಡುಗೆ ನೀಡುತ್ತಿವೆ ಎಂದು ಹೇಳಿದರು.

ಮೇಳದ ಸಂಘಟನಾ ಕಾರ್ಯದರ್ಶಿ ಡಾ ಧನಂಜಯ MV ಈ ವರ್ಷದ ಮುಖ್ಯಾಂಶಗಳನ್ನು ವಿವರಿಸಿದರು. ಈ ಮೇಳದಲ್ಲಿ, ಇತ್ತೀಚಿನ ತಂತ್ರಜ್ಞಾನಗಳಾದ ಚತುರ ನೀರಾವರಿ ವ್ಯವಸ್ಥೆ, ನಿಯಂತ್ರಿತ ಪರಿಸರ ಕೃಷಿ, ಲಂಬ ಕೃಷಿ, ಸುಸ್ಥಿರ ಅಭಿವೃದ್ಧಿಗಾಗಿ ಪರಿಸರ ಸ್ನೇಹಿ ಅಭ್ಯಾಸಗಳು, ಡಿಜಿಟಲ್ ತೋಟಗಾರಿಕೆ ಇತ್ಯಾದಿ ಕುರಿತ ಪ್ರದರ್ಶನಗಳನ್ನು ಏರ್ಪಡಿಸಲಾಗಿದೆ. ಜೊತೆಗೆ, ನಗರ ತೋಟಗಾರಿಕೆ, ಮಣ್ಣು ರಹಿತ ಕೃಷಿ, ತೋಟಗಾರಿಕೆ ಬೆಳೆಗಳ ಮೌಲ್ಯವರ್ಧನೆ ಹಾಗೂ ಪ್ಯಾಕೇಜ್ ಮತ್ತು ಸಂಗ್ರಹಣ ತಂತ್ರಜ್ಞಾನಗಳ ಕುರಿತು ಕಾರ್ಯಗಾರಗಳನ್ನು ಸಹ ಏರ್ಪಡಿಸಲಾಗಿದೆ ಎಂದು ಹೇಳಿದರು.

ಪ್ರಚಾರ ಸಮಿತಿ ಅಧ್ಯಕ್ಷ ಡಾ ನಂದೀಶ ಪಿ ಈ ಮೇಳದಲ್ಲಿ ಐ.ಸಿ.ಎ.ಆರ್ ನ ಇತರೆ ಸಂಸ್ಥೆಗಳು, ಕೃಷಿ ಹಾಗೂ ತೋಟಗಾರಿಕೆ ವಿಶ್ವವಿದ್ಯಾಲಯಗಳು,

ಖಾಸಗಿ ಹಾಗೂ ಸರ್ಕಾರೇತರ ಸಂಸ್ಥೆಗಳು, ರೈತೋತ್ಪಾದಕ ಸಂಘಗಳು ಮುಂತಾದವರು 300 ಕ್ಕು ಹೆಚ್ಚು ಮಳಿಗೆಗಳ ಮೂಲಕ ತೋಟಗಾರಿಕೆಗೆ ಸಂಬಂಧಿಸಿದ ಹೊಸ ಆವಿಷ್ಕಾರಗಳು ಹಾಗೂ ತಂತ್ರಜ್ಞಾನಗಳನ್ನು ಸಹ ಪ್ರದರ್ಶಿಸಲಿದ್ದಾರೆ ಮತ್ತು ಬೀಜಗಳು, ಗಿಡಗಳು, ಸಸ್ಯ ಉತ್ಪಾದನೆ ಮತ್ತು ರಕ್ಷಣೆಯ ರಾಸಾಯನಿಕಗಳು ಮತ್ತು ಸಲಕರಣೆಗಳ ಮಾರಾಟ ಇರುತ್ತದೆ. ಮೂರು ದಿನಗಳ ಮೇಳಕ್ಕೆ ಸುಮಾರು 50 ಸಾವಿರಕ್ಕೂ ಹೆಚ್ಚು ರೈತರು ಹಾಗೂ

ತೋಟಗಾರಿಕೆಯಲ್ಲಿ ಅಭಿರುಚಿ ಇರುವ ಇತರೆ ಪಾಲುದಾರರು ಭಾಗವಹಿಸುವ ಸಂಭವವಿದೆ ಎಂದು ವಿವರಿಸಿದರು ಆಸಕ್ತರು ಮಳಿಗೆ ಬುಕಿಂಗ್ ಗಾಗಿ  9108364672 

 ಹೆಚ್ಚಿನ ಮಾಹಿತಿಗಾಗಿ ಸಹಾಯವಾಣಿ ಸಂಖ್ಯೆ 9403891704 ಗೆ ಕರೆ ಮಾಡಬಹುದು. 

ಆನ್‌ಲೈನ್‌ನಲ್ಲಿ ಮಳಿಗೆಗಳ ನೋಂದಣಿ :  ಮೇಳದಲ್ಲಿ ಮಳಿಗೆಗಳನ್ನು ತೆರೆಯಲು ಈ ಬಾರಿ ಆನ್‌ಲೈನ್‌ನಲ್ಲೇ ನೋಂದಣಿ and (ettm://nef2024.in). ರೈತರಿಗೆ ಮಾತ್ರ ಈಗಲೂ ಮಳಿಗೆ ಹಾಕಲು ಅವಕಾಶ ನೀಡಲಾಗಿದೆ. ಈಗಾಗಲೆ 150ಕ್ಕೂ ಹೆಚ್ಚು ಮಳಿಗೆಗಳಿಗೆ ನೋಂದಣಿ ದೃಢಪಟ್ಟಿದೆ. ನಂದೀಶ್ ಐಐಎಚ್‌ಆರ್ ಪ್ರಧಾನ ವಿಜ್ಞಾನಿ